រូបភាព៖កែវ រតនៈ

យោងតាមការចុះផ្សាយរបស់ក្រសួងបរិស្ថាន បានឱ្យដឹងថា រហូតដល់ថ្ងៃទី១៩ ខែមិថុនា ឆ្នាំ២០២៥ ក្រសួងបរិស្ថាន បានចែកកូនឈើសរុបចំនួន ៥៧៦ ៩៩០ ដើម ក្នុងនោះកូនត្នោតចំនួន ១៦៤ ៨២៦ ដើម កូនឈើព្រៃ ៣៧១ ៦០០ ដើម និងកូនឈើហូបផ្លែចំនួន ៤០ ៥៦៤ ដើម។ ដោយឡែកក្នុងថ្ងៃទី១៩ ខែមិថុនា ឆ្នាំ ២០២៥នេះ ក្រសួងបរិស្ថានបានចែកកូនឈើសរុបចំនួន ១២ ៣៧៤ ដើម ដោយធ្វើឡើងតាមរយៈ ៖

- មន្ទីរបរិស្ថានខេត្តកំពងចាម៖ បានផ្តល់កូនឈើព្រៃ ចំនួន ៥០ ដើម កូនឈើហូបផ្លែ ចំនួន ៧០ ដើម និងកូនត្នោតចំនួន ៥០ដើម ជូនលោក ស៊ីម ច័ន្ទតារា និងបានផ្តល់កូនឈើព្រៃចំនួន ៨០ ដើម ជូនលោក សុន ក្រឹប មេឃុំត្រាំក្រសាំង។

មន្ទីរបរិស្ថានខេត្តកំពង់ធំ ៖ បានផ្តល់កូនឈើព្រៃ ចំនួន ២ ២០០ ដើម កូនឈើហូបផ្លែ ចំនួន ២០០ ដើម និងកូនត្នោត ចំនួន ៨០០ដើម ជូនដល់ គណៈកម្មការសហគមន៍តំបន់ការពារបឹងទទឹល ព្រមទាំងបានដាំកូនឈើព្រៃចំនួន ២ ៤៦៥ ដើម និងបានដាំកូនឈើហូបផ្លែចំនួន ២០៥៩ ដើម ក្នុងសហគមន៍តំបន់ការពារធម្មជាតិបាឡត ។

- មន្ទីរបរិស្ថានខេត្តត្បូងឃ្មុំ៖ បានផ្តល់កូនឈើព្រៃ ចំនួន ៤០០ ដើម ជូនដល់ឯកឧត្តម ប្រាក់ ចាន់ធឿន។

- ចំណែកឯមន្ទីរបរិស្ថានខេត្តសៀមរាប៖ បានផ្តល់កូនឈើព្រៃជូនដល់លោក ហ៊ឺង ម៉ៅ ចៅសង្កាត់រងនៃសង្កាត់សំបូរ ចំនួន ៦០០ ដើម ផ្តល់ជូនលោក លូន ផាន់ណា ចំនួន ៥០០ដើម ផ្តល់ជូនដល់លោក លុន លាន ចំនួន ៤៨០ ដើម និងបានផ្តល់ជូនដល់លោក វ៉ន ជា ប្រធានសហគមន៍ឆក់បាស់ ចំនួន ២ ០០០ ដើម។

ក្រសួងបរិស្ថាន បានប្រកាសដាក់ចេញយុទ្ធនាការដាំដើមឈើ យ៉ាងតិច១លានដើមជារៀងរាល់ឆ្នាំ ដោយជំរុញឲ្យប្រជាពលរដ្ឋចូលរួមដាំដើមឈើ និងស្តារព្រៃ ក្នុងការចូលរួមការពារអភិរក្សព្រៃឈើនិងបរិស្ថានធម្មជាតិ ដើម្បីបង្កើនគម្របព្រៃ ហើយអាចលក់កាបូន ក៏ដូចជាជួយបង្កើនប្រាក់ចំណូលនៅក្នុងសហគមន៍ ក្នុងនោះ​​យុទ្ធនាការ «ពន្លកបៃតង» ត្រូវបានប្រារព្ធឡើងជាលើកទី១ កាលពីថ្ងៃទី១០-១៦ ខែកក្កដា ឆ្នាំ២០២៤ និងបានចែកកូនឈើជូនប្រជាពលរដ្ឋយកទៅដាំតាមទីសាធារណៈ ដាំតាមសហគមន៍ និងដាំស្តារព្រៃបានចំនួន ១,៣លានដើម៕

រូបភាព៖ ក្រសួងបរិស្ថាន