អត្ថបទ៖ វិចិត្រ

សេចក្តីជូនដំណឹងរបស់ក្រសួងបរិស្ថានដែលចុះថ្ងៃទី៥ ខែឧភា ឆ្នាំ២០២៥ ឱ្យដឹងថា ខេត្តស្ទើរតែទាំងអស់នៅកម្ពុជា មានស្ថានភាពគុណភាពខ្យល់ “ល្អណាស់”។   

តាមរយៈសេចក្តីជូនដឹងដំណឹងខាងលើបានបញ្ជាក់ឱ្យដឹងថា សម្រាប់ថ្ងៃទី៤ ខែឧសភា ឆ្នាំ២០២៥ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី៥ ខែឧសភា ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង១២.២៤ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។

បើតាមសេចក្តីជូនដំណឹងដដែលខាងលើខេត្តស្ទើរតែទាំងអស់មានស្ថានភាពគុណភាពខ្យល់ល្អណាស់ ដោយឡែកមានតែខេត្តកណ្តាលមួយប៉ុណ្ណោះដែលមានស្ថានភាពគុណភាពខ្យល់ទាបជាងគេគឺនៅត្រឹមសន្ទស្សន៍គុណភាពល្អ។  

សូមបញ្ជាក់ថា សន្ទស្សន៍គុណភាពខ្យល់នៅកម្ពុជាត្រូវបានចាត់ចំណាច់ថ្នាក់ជា៦ គឺទី១.ល្អណាស់ ដែលតំណាងដោយពណ៌ខៀវ ទី២. ល្អ តំណាងដោយពណ៌បៃតង ទី៣. ធម្យម តំណាងដោយពណ៌លឿង ទី៤. បង្គូរ តំណាងដោយពណ៌ទឹកក្រូច ទី៥. ខ្ពស់ តំណាងដោយពណ៌ក្រហម និងទី៦. ខ្ពស់ខ្លាំង តំណាងដោយពណ៌ស្វាយ៕