អត្ថបទ៖ កែវ រតនៈ

ក្នុងសេចក្តីជូនដំណឹងរបស់មូលនិធិជាតិជំនួយសង្គមដែលចុះ​នៅថ្ងៃទៅ២៥ ខែមិថុនា ឆ្នាំ២០២៥នេះ បានឱ្យដឹងថា  ដើម្បីធានាបាននូវប្រសិទ្ធភាព ស្ថិរភាព និងនិរន្តរភាពនៃការថែទាំផ្នែកសុខភាព ព្រម ទាំងជួយ​សម្រួល​ជូន អតីតមន្ត្រីរាជការស៊ីវិល និងអតីតយុទ្ធជន ក្នុងការទៅប្រើប្រាស់សេវាព្យាបាល និងថែទាំវេជ្ជសាស្ត្រនៅមូលដ្ឋានសុខាភិបាលដែលជាដៃគូ បេឡាជាតិសន្តិសុខសង្គម (ប.ស.ស) ឱ្យកាន់ តែមានភាពងាយស្រួល ដោយពុំចាំបាច់ភ្ជាប់អត្តសញ្ញាណប័ណ្ណសញ្ជាតិខ្មែរទៅជាមួយនៅពេលប្រើប្រាស់បណ្ណ សមាជិក (ប.ស.ស.) ទៀតនោះ ឯកឧត្តម លោកជំទាវ លោក លោកស្រី ដែលជាអតីតមន្ត្រីរាជការស៊ីវិល និង អតីតយុទ្ធជន អាចអញ្ជើញទៅធ្វើបច្ចុប្បន្នភាពបណ្ណសមាជិក(ប.ស.ស. ) (បន្ថែមរូបថត និងស្នាមក្រម៉ៅដៃ) នៅ សាខាបេឡាជាតិសន្តិសុខសង្គម (ប.ស.ស.) រាជធានី ខេត្ត ដែលនៅជិតបំផុត។

ទន្ទឹមនឹងនេះ ចំពោះអតីតមន្ត្រីរាជការស៊ីវិល និងអតីតយុទ្ធជន ដែលមានបណ្ណប.ស.ស. មានបញ្ហាដូចជា ខូច ខុសឈ្មោះ ឬបាត់ សូមអញ្ជើញទៅខាសាមូលនិធិជាតិជំនួយសង្គម (ម.ជ.ជ.) រាជធានី ខេត្ត ដើម្បីធ្វើលិខិត បញ្ជាក់ស្នើសុំបណ្ណប.ស.ស. ថ្មី (ដោយភ្ជាប់មកជាមួយនូវអត្តសញ្ញាណប័ណ្ណសញ្ជាតិខ្មែរមានសុពលភាព និងរូបថត ៤x៦ ១សន្លឹក ឯកសណ្ឋានស៊ីវិល)៕

រូបភាព៖ បណ្ដាញសង្គម