អត្ថបទ៖ យូ វាសនា

ក្នុងឱកាសអញ្ជើញជាអធិបតីក្នុងពិធីប្រកាសដាក់ឱ្យអនុវត្តជាផ្លូវការ « ផែនការជាតិប្រយុទ្ធនឹងជំងឺមហារីក ២០២៥ - ២០៣០ »  នៅថ្ងៃ​ទី​៥ ខែឧសភា ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានជំរុញឱ្យក្រសួង ស្ថាប័នពាក់ព័ន្ធត្រូវពិនិត្យបន្លែ ត្រីសាច់ដែលនាំចូលដើម្បី​ផ្គត់ផ្គង់នៅកម្ពុជាឱ្យបានម៉ត់ហ្មត់ ។ សម្ដេចធិបតី មានប្រសាសន៍ថា «ក្រសួងពាណិជ្ជកម្ម ក្រសួងសុខាភិបាល ក្រសួងកសិកម្ម រុក្ខាប្រម៉ាញ់ និងនេសាទ អគ្គនាយកដ្ឋានគយ និងរដ្ឋាករ និងអាជ្ញាធរពាក់ព័ន្ធពិនិត្រឱ្យបានតឹងរឹង ការនាំចូលបន្លែ  សាច់ ការប្រើប្រាស់ជាតិគីមីផ្សេងៗអោយបានម៉ត់ហ្មត់ទៅលើកិច្ចការងារនេះ ដើម្បីកាត់បន្ថូយនូវហានិភ័យ នៃជំងឺមហារីកដោយសារអាហាររូបត្ថម្ភ ទីពីរក្រសួងសុខភិបាល សូមមន្ទីរសុខាភិបាល សូមជួយផ្សព្ធផ្សាយអប់រំ សហការជាមួយក្រសួងអបរំក៏បាន តាមសាលាដើម្បីឱ្យយល់អំពីវិធីបង្ការនិងវិធីចៀសវាង នៅក្នុងការបរិភោគ រឺមួយការធ្វើសកម្មភាពណាមួយដែលអាចបង្កើន​ហានិ​ភ័យ​ខ្ពស់នៅក្នុងការកើតជំងឺមហារើក។»

គួររំឮក​ថា​កន្លងមក រាជរដ្ឋាភិបាលកម្ពុជា បានហាមឃាត់ការនាំចូល គ្រឿងក្នុង និងបំណែកសាច់សត្វបង្កក ជា​ប​ណ្តោះ​​​អា​ស​ន្ន​ ដែលវិធានការនេះ មិនអនុវត្តចំពោះគម្រោ​​ងវិ​និ​យោ​គ​ ដែលមានលក្ខណៈសម្បត្តិគ្រប់គ្រាន់​ក្នុង​ការនាំចូលទំនិញ ឬផលិតផលខាងសាច់បង្កក និងគ្រឿងក្នុង សម្រា​ប់​​ប្រើប្រាស់ជា​ធាតុ​ចូលផលិតកម្ម សម្រាប់ការនាំចេញឡើយ៕

 រូបភាព៖ បណ្ដាញសង្គម