ដោយ៖ កែវ រតនៈ

អគ្គនាយកមជ្ឈមណ្ឌលសកម្មកម្ចាត់មីនកម្ពុជា​ លោក ហេង រតនា បានបញ្ជាក់ដូចនេះនៅថ្ងៃទី០៥ ខែមករា ឆ្នាំ២០២៦ នៅវិទ្យាស្ថានបច្ចេកទេសសកម្មភាពមីនខេត្តកំពង់ឆ្នាំង​ ខណៈដែលលោកបានជួបសំណេះសំណាលជាមួយសិក្ខាកាមហ្វឹកហ្វឺនពង្រឹងសមត្ថភាពបច្ចេកទេស​ និងចុះពិនិត្យវឌ្ឍនភាពនៃការសាងសង់អគារទាំង​​និង​ការបំពាក់សម្ភារបច្ចេកទេសតាមអគារនិមួយៗ។ សូ​មជម្រាបជូនថា​ សំណង់អគារទាំងអស់និងសម្ភារបច្ចេកទេសទទួលបានពីហិរញ្ញប្បទានឥតសំណងរបស់រដ្ឋាភិបាលជប៉ុន។

​លោក ហេង រតនា បញ្ជាក់ថា​ កម្លាំងអង្គភាពCMAC បាននិងកំពុងបំពេញប្រតិបត្តិការក្នុងការធានាសុវត្ថិភាព​​ដល់ប្រជាពលរដ្ឋដែលត្រូវវិលត្រឡប់ទៅភូមិឋាននិងផ្ទះសំបែងវិញ​ ដោយបានពង្រាយកម្លាំងនៅតំបន់​រងផលប៉ះពាល់ដោយសារសង្គ្រាមឈ្លានពានរបស់សៀមចាប់ពីខេត្តកោះកុង​ដល់ខេត្តព្រះវិហារ​ ។ កម្លាំងអង្គភាពCMAC ប្រមាណជិត៨០កងអនុសេនាតូច​ឬក្រុម​ ត្រូវបានដាក់ពង្រាយដើម្បីឆ្លើយតបសំនូមពរដ៏ចាំបាច់និងបន្ទាន់បំផុតនេះ​។

ក្នុងសង្គ្រាមឈ្លានពានពីសំណាក់កងទ័ពថៃមកលើកទឹកដីកម្ពុជា ថៃបានប្រើប្រាស់អាវុធគ្រាប់ប្រភេទបាញ់​​មក​​លើទឹកដីកម្ពុជា មិនថាតែវត្តអារាម សាលារៀន មន្ទីរពេទ្យ និងតំបន់ដែលប្រជាពលរដ្ឋរស់នៅ​។ ការណ៍នេះបានធ្វើឱ្យគ្រាប់ផ្ទុះបានរាយបាយនៅក្នុងតំបន់ជាច្រើនក្នុងជាប់ព្រំដែនកម្ពុជា-ថៃ ចាប់ពីខេត្តកោះកុង​ដល់ខេត្តព្រះវិហារ៕

រូបភាព៖ ហ្វេសប៊ុក លោក ហេង រតនា