អត្ថបទៈ យូ វសនា

រដ្ឋបាលខេត្តព្រៃវែងបានជូនដំណឹងដល់សាធារណៈជន ព្រមទាំងគ្រប់មន្ទីរ គ្រប់អង្គភាព និងស្ថាប័ន ឬ ភ្នាក់ងារ​ហិរញ្ញវត្ថុ ដែលមានការពាក់ព័ន្ធនឹងក្បាលដីទាំងអស់ ស្ថិតនៅភូមិ ព្រៃក្រឡាញ់តូច ឃុំ ព្រៃស្រឡិត ស្រុក ពារាំង ខេត្ត ព្រៃវែង ឱ្យបានជ្រាបថា គណៈកម្មការរដ្ឋបាល  បិទផ្សាយជាសាធារណៈនូវឯកសារនៃការវិនិច្ឆ័យ ដែលរួមមាន ប្លង់សុរិយោដី និង បញ្ជីរឈ្មោះអ្នកកាន់ កាប់ដី ដែលក្រមប្រតិបត្តិកម្មវិធីបានធ្វើការវាស់វែង និងប្រមូលទិន្នន័យកន្លងមក ។

សេចក្ដីជូនដំណឹងបន្តថា ការពិនិត្យលើទិន្នន័យដែលមាននៅក្នុងឯកសារនៃការវិនិច្ឆ័យ ដើម្បីបញ្ជាក់ពីភាពត្រឹម ឬ ខុសឆ្គង ដែលត្រូវកែតម្រូវ ឬជំទាស់លើទិន្នន័យទាំងនោះមានរយៈពេល ១៥ ថ្ងៃ ដោយរាប់បញ្ចូលទាំងថ្ងៃឈប់សម្រាក គិតចាប់ពីថ្ងៃទី១ ខែ តុលា ឆ្នាំ ២០២៥ ដល់ថ្ងៃទី១៥ ខែតុលា ឆ្នាំ ២០២៥ ជាកំហិត ទីតាំងគឺនៅទីស្នាក់ការភូមិ។ ផុតរយៈពេលកំណត់ខាងលើ គណៈកម្មការរដ្ឋបាលសន្មត់ថា ទិន្នន័យដែល បានបើកចំហរជូនពិនិត្យជាសាធារណៈនេះមានភាពត្រឹមត្រូវហើយមិនអាចជំទាស់ ឬ តវ៉ានៅពេលក្រោយទៀតបានឡើយ។

សេចក្តីជូនដំណឹងបន្តថា ផុតរយៈពេលកំណត់នៃការបិទផ្សាយខាងលើនេះ គណៈកម្មការរដ្ឋបាលនឹងបូកសរុបហើយ លើកសំណើរផ្តល់សិទ្ធិលើអចលវត្ថុនៅអភិបាលខេត្ត ដើម្បីពិនិត្យ សម្រេចរួចបញ្ជូនអោយរដ្ឋបាលសុរិយោដី ចេញ វិញ្ញាបនប័ត្រសម្គាល់ម្ចាស់អចលវត្ថុ (ប័ណ្ណកម្មសិទ្ធ) ជូនអ្នកកាន់កាប់ណាដែលបានបំពេញគ្រប់លក្ខណៈច្បាប់ ៕