អត្ថបទ៖ វិចិត្រ

ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិថ្ងៃទី១ ថ្ងៃទី១៤ ខែមេសា ឆ្នាំ២០២៥ ខេត្តសៀមរាបទទួលបានភ្ញៀវទេសចរជាតិ និងអន្តរជាតិ ដើររលេងកម្សាន្តប្រមាណ ៨០ម៉ឺននាក់។ នេះបើតាមការចុះផ្សាយដោយ ទីភ្នាក់ងារសារព័ត៌មានកម្ពុជា(AKP)។

លោក ធិម សេរីវុឌ្ឍ ប្រធានស្តីទីមន្ទីរទេសចរណ៍ខេត្តសៀមរាបថ្លែងឱ្យដឹងថា ភ្ញៀវទេសចរជាតិ អន្តរជាតិ ព្រមទាំងប្រជាពលរដ្ឋប្រមាណ៨០ម៉ឺននាក់ បានធ្វើដំណើរកម្សាន្តក្នុងព្រឹត្តិការណ៍អង្គរសង្ក្រាន្ត នាទឹកដីខេត្តសៀមរាប។ ឱ្យដឹងថា ទេសចរ និងពលរដ្ឋ ដើរលេងកម្សាន្ត ក្នុងនោះបរិវេណខាងមុខប្រាសាទអង្គរវត្ត សួនច្បារព្រះរាជដំណាក់ តំបន់មាត់ស្ទឹង និងតំបន់ផាប់ស្រ្ទីត មានចំនួនប្រមាណ ៧៦០ ០០០នាក់ ហើយភ្ញៀវទេសចរបរទេសមានចំនួន ៤ ៥៣៧នាក់។

លោកឱ្យដឹងបន្ថែមទៀតថា ក្រៅពីនេះក៏មានភ្ញៀវទេសចរជាតិ និងអន្តរជាតិ ព្រមទាំងប្រជាពលរដ្ឋ នៅតំបន់ភ្នំគូលែន មានចំនួនប្រមាណ ៤៥០០នាក់ តំបន់បឹងទន្លេសាប មានចំនួនប្រមាណ ៦ ៥០០នាក់, បារាយណ៍ទឹកថ្លា មានចំនួនប្រមាណ ៤ ០០០នាក់ និងតំបន់សហគមន៍ និងរមណីយដ្ឋានផ្សេងៗ មានចំនួនប្រមាណ ១៥ ០០០នាក់៕