ដោយ៖ វិចិត្រ

ក្នុងរយៈពេលពេញមួយឆ្នាំនៃ២០២៥ មន្ទីរពេទ្យគន្ធបុប្ផារាជធានីភ្នំពេញ និងមន្ទីរពេទ្យជ័យ វរ្ម័នទី៧ខេត្តសៀមរាប បានទទួលពិនិត្យ និងព្យាបាល កុមារ នៅផ្នែកពិនិត្យជំងឺក្រៅ ចំនួន ១ ០៧១ ៦៣៧ ករណី ដោយឥតគិតថ្លៃ ដែលចំនួននេះមានការកើនឡើង ១៤ ភាគរយ បើធៀបទៅនឹងរយៈពេលដូចគ្នាក្នុងឆ្នាំ២០២៤។ នេះបើតាមរបារការណ៍សង្ខេបខ្លីរបស់មន្ទីរ ពេទ្យគន្ធបុប្ផាសម្រាប់ឆ្នាំ២០២៥។

ក្នុងរបាយការណ៍ដដែលក៏បានបញ្ជាក់ឱ្យដឹងថា មន្ទីរពេទ្យគន្ធបុប្ផា បានព្យាបាលកុមារដែល បានសម្រាកព្យាលនៅមន្ទីរពេទ្យទាំងរាជធានៅភ្នំពេញ និងខេត្តសៀមរាប មានចំនួន ២៣៣ ២៤៣ នាក់ កើនឡើងចំនួន ២៥,៦ ភាគរយ និងព្យាបាលកុមារគ្រុនឈាមចំនួន ២២ ៩៨២ នាក់។

ជាមួយគ្នានេះដែរមន្ទីរពេទ្យមនុស្សធម៌មួយនេះ ក៏បានពិនិត្យតាមដានលើស្ត្រីដែលមានផ្ទៃ ពោះ ចំនួន ១០៨ ១៣៤ នាក់ ស្ត្រីសម្រាលកូនចំនួន ២៥ ៧៣៦ នាក់ វះកាត់ទូទៅចំនួន ៣៤ ៨៨៩ នាក់ វះកាត់ជំងឺបេះដូងពីកំណើត ចំនួន ១ ១៦៣ នាក់។

ដោយឡែកអត្រាមរណភាពនៃកុមារនៅក្នុងមន្ទីរពេទ្យសម្រាប់ឆ្នាំ២០២៥មានការថយចុះមកនៅត្រឹម០,២៨ភាគរយៈ ខណៈក្នុងឆ្នាំ២០២៤អត្រាមរណភាពកុមារមាន រហូតដល់ ០,៣៥ ភាគ រយ៕